Neste proxecto pretendemos investigar a problemática dos estudios de dobraxe, desenvolvermos unha solución global, un SISTEMA INFORMÁTICO QUE SOPORTE INTEGRAMENTE A PRODUCIÓN, non só de dobraxe senón de todo o que fai un estudio (subtitulación, gravación de publicidade etc.) Evidentemente, e por mor do complexo do proceso, neste proxecto realizaremos numerosos prototipos experimentais que nos permitirán comprobar a validez das nosas hipóteses e solucións.
O obxectivo final é obter un conxunto de aplicacións que traballen de forma integrada, para daren un soporte automatizado e global controlado por un módulo parametrizábel de workflow a todo o proceso de traballo dos estudios de dobraxe.